Because you may not know when your company stops loving you..."
Dr. APJ Abdul Kalam
Malapit na naman ang kinsenas.
"Pay-day na naman" sabi nga nang ibang nagtatrabaho. Halos ngiting-abot tenga pa nga eh. Excited na pumila ang mga empleyado para makita na nila ang kani-kanilang mga payslips. Kapag nakuha na nila, iba't-ibang ekspresyon nang kanilang mga mukha ang mapapansin. May mga taong nakangiting mala-abot tenga pa din at may iba namang nakakunot ang noo at halos hindi na maipinta ang mga mukha. Dalawa lang ang ibig sabihin nyan; kung kontento na ba sila sa suweldo nila o hinde.
Si Bossing sige sa utos. Utos doon, utos dito. Kulang na lang gawin ka na lang na tipong "alaga" niya sa kanyang kumpanya. Samantalang kayo, napapraning na sa mga utos nya. Hindi mo pa tapos yung utos niya may panibagong utos na naman siya. Kaya wala ka nang oras para libangan ang sarili mo. Kung minsan nga, nakakalimutan niyo nang kumain nang lunch or break time. Napapabayaan niyo na ang mga sarili nyo, naiistress pa kayo sa mga utos niya kasi kung hindi nyo magawa sa tamang oras....makakatikim na kayo nang MEMO o baka...sibakin pa kayo sa trabaho.
Minsan naman, may mga nakakaaway kayo sa trabaho. Ang masama pa niyan, pinaplastik pa kayo. Samantalang kayo naman, kapag dumadaan siya sa workstations nyo, kumukunot ang mga ulo, kumukulo ang mga dugo, kulang na lang magpakaberdugo at handang-handang makipag-gyera sa kaniya o sa kanila dahil sa inis at galit nyo. Sige sa pagpopost nang mga status na may kinalaman sa kaaway niyo sa trabaho....at parinig pa. Sige din sa pagkukwento sa mga katrabahong ka-close niyo tungkol sa kaaway niyo, with matching emotional breakdown pa.
Iilan lamang yan sa mga nagtatrabaho ngayon sa iba't-ibang kumpanya sa kahit saan mang sulok nang mundo na may ganitong karanasan...at kabilang na ako dun.
Pero may good news ako sa inyo, mayroon akong gustong ibahagi sa inyo.
Gusto ko lang namang ibahagi sa inyo ang mga natutunan ko sa pamamagitan lang nang pagbabasa.
May binasa akong isang electronic book or e-book na tungkol sa mga solusyon laban sa mga ganitong senaryo kapag nasa trabaho.
Sa mga hindi pa nakakaalam kung ano ang e-book, ito ay isang PDF file na pwedeng i-download sa inyong personal computer, laptop, o sa may mga mobile phones na may Android OS softwares at pwede nyo na syang basahin.
Eto nga pala ang nabasa kong e-book...
Sa tagalog pa nyan, "Paano mo ba mahalin ang iyong trabaho...kahit na hinde?"
"Medyo weird", sabi ng utak ko nung una ko siya nakita sa monitor ko pagkatapos siyang dinownload at bago ko syang basahin.
Kaya hindi na ako nagpatumpik-tumpik pa kara-karaka, binasa ko na siya agad at nakaka-relate nga siya sa aking mga karanasan dito sa aking trabaho.
Eto yung mga natutunan ko na gusto kong i-share sa inyo sa pamamagitan lang nang mga tips na ito:
1. Oh Sweldo!
Malamang, ganito ang kailangan nang mga nagtatrabaho ngayon dito sa Pilipinas at maging sa ibang bansa. Iisa lang naman ang pinakaimportanteng dahilan kung bakit nila ginagawa ito eh, ang magkaroon nang pangtustos para sa kanilang mga mahal sa buhay. Ngayon, siguradong-sigurado ako na karamihan sa mga kababayan nating nagtatrabaho ngayon ay sa tingin nilang, hindi sapat ang kanilang nakuhang sweldo mula sa mga empleyado. Kaya eto yung maisheshare ko sayo base sa binasa ko at sa mga experience ko sa aking trabaho.
Una, kung talagang gusto mong taasan ang iyong suweldo, pwede mong kausapin ang Team Leader mo or Team Manager mo or Supervisor mo...pero, in private nga lang. Kasi, hindi naman pwedeng lahat nang empleyado ay pumila pa para kausapin si manedyer. Mapapraning yan. Paano pa yung mga gagawin nya para sa kumpanya. Wala na siyang time. Kapag sinagutan ka niya na "sipagan mo pa ang iyong trabaho at may possibilidad kang mabibigyan ka namin nang promosyon.." o kaya'y "tataasin namin ang iyong sweldo..", okay na yun. Ang gagawin mo na lang talaga ay yun nga ay magsipag. Kapag sinabing magsipag eh, yung talagang may dedikasyon at 'passion'...na may kasamang enjoyment. Hindi naman pwedeng magsipag ka lang na sobrang seryoso, tama?
Pangalawa naman, isipin nyo na lang sa mga tanong ito lalo na sa mga nagtatrabaho sa ibang bansa....bakit nga ba kayo nagtatrabaho? Sino ba ang naging inspirasyon ninyo para kayo'y magtrabaho? Siyempre, iisa lang ang sagot nyan....ang inyong mga mahal sa buhay. Kaya nga nauso ang Facebook para maki-connect kayo sa mga mahal nyo sa buhay. At, isipin nyo rin ang mga benefits ninyo kapag naging regular na kayong nagtatrabaho. May free medicines kapag nagkasakit, personal card benefits katulad lang nang PhilHealth, SSS, atbp....free travel expenses pa kung sakaling may team building or company outing kayo.
Isipin nyo na lang....hindi bale nang malaki man o maliit ang sweldo. Ang mahalaga rito ay kung paano ka nagsakripisyo at ineenjoy mo naman ang iyong trabaho, malaking bagay na yun para sayo at sa inyong pamilya. Masarap na yun sa pakiramdam.
Extra tip pa, yung inipong sweldo eh pwede naman siyang ihiwalay sa dalawang bagay; yung mga pwedeng gastusin at yung pwedeng ipunin para sa pinakaimportanteng gagastusin. Ganun lang.
2. Busy-busihan Ako!
Okay lang magbusy-busihan pero dapat nasa tamang lugar. Tambakan na ang mga kailangan mong gawin. Sobrang busy ka para makahabol ka sa mga deadlines o para maka-kota ka ngayong araw o linggo. Pero wag na wag mong isama ang mga personal na oras sa pagpapakabusy-busihan mo tulad na lamang nang lunch, at breaktime. Chill lang ho. Nakakasama sa katawan ang magpalipas nang gutom. Gamitin ang lunchbreaks at 15-minute breaktimes. Kumain nang malupet at magrelax nang konte pagkatapos. Para mamaya...sige sabak pa nang sabak at nang maabot mo na yung kota para sa araw na yun o sa linggong yun nang maayos.
Ngayon, kung sakaling hindi mo pa din naabot yung kota kahit na sobrang busy ka. Saka ka na manghingi nang tulong sa Team Leader, Team Manager, o sa Supervisor nang kompanya ninyo. Libre manghingi nang tulong...wag mahiyang subukan ito. Kasi kung hindi, kung napag-iiwanan ka na, baka mapagalitan ka pa...ma-MEMO ka pa niyan.
3. Plastik Kayong mga Co-workers!
Isa ito sa mga malalaking isyu pagdating dito sa trabaho, yung mga katrabahador mo na hindi mo kasundo or vice-versa. Na may sinasabing mga negatibo patungkol sa inyo...pero nang patalikod. Ang tanging pwede niyo na lang gawin ay ngitian niyo na lang sila. Nang sa ganun, hindi ka nila madaling 'apihin'. Hindi dapat kayo magpapaapekto sa mga sinasabi nila laban sa inyo.
Pero kung talagang inabuso ka nila nang sobra-sobra....huwag nang mahiyang sabihin ito sa Team Leader, Manager, o Supervisor at sabihin mo sa kanya ang buong pangyayari. Hintayin mo na lang magkaroon nang aksyon laban sa mga taong ayaw sa inyo. Konting pasensya na lang...at samahan nyo na rin nang dasal.
Hangga't maari, umiwas na lang kayo sa mga taong may ganyang ugali.
Kasi nga, sabi nga nang isang meme..."kahit may ginawa tayong maganda sa kapwa o hinde, huhusgahan pa din tayo nang huhusgahan...". Ika nga eh, "show your revenge with your kindness."
4. Pasaway si Boss!
Kung ganitong senaryo ang nangyayari sa inyong trabaho, aba'y ibang usapan na talaga yan. Hindi naman lahat nang mga bossing sa mga kompanya may ganyang ugali. Pero, kung talagang pasaway ang Team Leader, Manager, or Supervisor sa inyo, may mga dapat rin kayong gawin para diyan. Pasaway, ibig sabihin, yung tipong biased sya o may pagka-favoritism o pwede ring tatamad-tamad sya at uutusan kayo nang uutusan...minsan pagalit o binablackmail pa.
Same lang din sa number 3 tip na binigay ko, yung ngitian nyo na lang din ang bossing ninyo. At kasabay nun, ay ipakita nyo sa kanya kung gaano kayo kasipag at kung gaano nyo ineenjoy ang inyong trabaho na may magandang resulta. Sa mga ganitong paraan, posibleng makikita ito nang Bossing nyo kung gaano kayo kahalaga sa kanilang kompanya.
Pero kung talagang hindi maganda ang tinatrato sa inyo nang boss ninyo, maari lamang kayong mamili sa mga ito; sakyan nyo na lang ang ginagawa niya sa inyo, maghanap na lang nang ibang trabaho, o gumawa na lang nang 'legal action' laban sa kanya.
Hangga't maari, huwag na huwag mong sagut-sagutin ang inyong boss nang pabalang kasi kung hindi matatalo at matatalo ka lang. Kung gusto mo talagang 'labanan' siya, ang tangi mo na lang gawin ay gumawa nang dokumento. Magsulat nang journal. Isulat mo ang lahat nang may kinalaman sa inyong dalawa nang inyong boss, kung ano ba ang ginawa sa inyo at iba pa.
May mga iba't-ibang rason kung bakit halos lahat nang mga nagtatrabaho ngayon ay ayaw nang ganitong klase nang trabaho. Pero chill lang, hindi lang naman kayo ang nakaranas nang ganito....pati rin naman ako. Kaya lang, hindi ikakaganda sa kalusugan ninyo yan ang palaging nakasimangot at stressed sa trabaho.
Isipin nyo na lang ang mga posibleng solusyon para mahalin nyo ang inyong trabaho. Magtanong sa mga empleyado, gumawa nang mga alternatibong paraan habang nagtatrabaho, at iba pa. Sa totoo nga nyan, maraming posibleng solusyon ang pwede niyo pang gawin bukod pa sa mga tips na binanggit ko.
At higit sa lahat, baguhin nyo na lang ang inyong ugali. Kung baga eh, i-adjust. Kasi, yan ang pinakaimportante sa lahat. Kung hindi mo mababago yan, kahit anong trabaho ang pwede mong pasukan. Magkakaroon ka talaga nang 'poor performance'.
Pero kung talagang nagawa mo naman ang lahat nang maayos ang iyong trabaho pero wala pa ding nangyayaring magandang resulta, pwede namang mag-resign at maghanap nang panibagong trabaho.
Laging tandaan, importante ang may trabaho dahil sa aking opinyon, parte pa din yan nang buhay ninyo. Nagsasakripisyo kayo para sa inyong mga mahal sa buhay. Pero paalala lang, huwag masyadong ipwersa ang sarili ha.
Sabi nga nang kasabihan eh, "kung gusto nyo nang pagbabago eh, simulan na lang natin sa ating mga sarili." Kaya baguhin na natin ang ating mga attitude.
Mahalin natin ang ating mga trabaho kahit ano pa man yan.
Kasi ako, SOBRANG mahal na mahal ko ang trabaho ko ngayon. At proud na proud pa ako.
Kayo ba? Mahal nyo din ba ang trabaho nyo? Yung totoo po ha? :)
Focus lagi sa positive wag sa negative.
Malapit na payday! HEEE-YEEESSS!!! (slow motion voice pa yan)
*********************************
Ang blog post na ito inihatid sa inyo ni Alberto Bandolon, na tumutulong sa mga taong gustong kumita sa pamamagitan nang internet. Para sa karagdagang impormasyon, paki-click lang ang "Sino si Alberto?" button.
