Mahilig ka bang mag-status update sa Facebook kapag may mga bagong updates tungkol sa buhay mo...then, magpapaselfie-picture ka pa at pagkatapos icha-chat mo pa yung mga friends mo sa Facebook para lang i-like nila ang status mo with your selfie pic?
Mahilig ka bang mag-status sa Facebook kapag meron kang videos o pictures na para sa sarili mo or kasama nang mga mahal mo sa buhay mo, tapos i-uupload mo pa sa wall mo na halos hihintayin mo nang ilang oras dahil sa bagal nang internet connection or sa laki nang file nang mga videos or pictures na iniupload mo?
Mahilig ka bang magstatus sa Facebook na sinama mo pa ang pangalan ni Bossing sa status mo kapag tinupad Niya ang mga gusto mong mangyari sa buhay mo...pero kung hindi eh sinisisi mo pa Siya at sasabihin mo pa sa kanya na "Kunin Nyo na lang ang buhay ko?"
Mahilig ka bang mag-status sa Facebook kapag may nakakaaway ka at gusto mong isulat status ang lahat nang hinanakit mo...pero sa wall mo lang...hindi sa wall nang kaaway mo? The same thing doon sa taong crush o mahal mo....hilig mo din bang istatus ang lahat nang mga nararamdaman mo sa kanya...pero sa wall mo lang din...hindi rin sa wall niya?
At higit sa lahat...mahilig ka bang mag-status sa Facebook tungkol sa mga opinyon mo o panghuhusga mo dun sa mga nangyayari sa ating paligid, gobyerno, bansa, sa ibang bansa, o maging sa kapwa mo?
Kung ako ang tatanungin....ang sagot ko ay..."YES!! I'VE BEEN THERE.......!!"
At sa mga Facebook users na gumagamit hanggang ngayon, alam ko hindi lahat nang users ay ginagawa ang lahat nang mga nabanggit ko sa taas...pero MOST OF ALL...ginagawa nila ito maski hanggang ngayong 2014.
Para sa kaalaman nang lahat, ano nga ba ang Facebook status at paano ba ito ginagamit?
Ayon sa isang reliable source, ang Facebook status ay isang feature na ginagamit nang mga users para ibahagi ang kanilang mga iniisip o nararamdaman nila sa kanilang pang-araw araw na buhay. Pwede nilang ma-update ito sa pamamagitan lang nang pagclick nang "Post" button pagkatapos nang itype o isulat ang kanilang mga updates o kung ano man ang iniisip o nararamdaman nila tungkol sa buhay nila.
Pwede rin silang mag-upload nang mga pictures o videos habang tinatype nila ang status tungkol sa buhay nila para mabasa nang mga ibang Facebook users at para malaman din nila kung ano ba ang nangyayari sa buhay nila.
Nung una ko siyang ginamit, maganda naman ang silbi nito. Pwede mong ipaskil ang mga hinanaing mo sa buhay...pwede ka ring magbigay nang opinyon mo tungkol sa mga nangyayari sa paligid natin...at pwede ka rin magbigay nang double-meaning quotes or phrases sa status mo para mabasa nila. Ika nga, sabi nang isang sikat na quote... "Freedom wall ang Facebook."
Since ako naman ay isang Facebook user din mula 2009 hanggang ngayon, katulad nyo, kapag may naiisip ako...hala post agad sa status ko. Nag-a-upload din ako nang mga pictures sa profile wall ko para malaman din nang mga ibang users kung ano ang nangyayari sa buhay ko.
Hinalungkat ko ang mga statuses ko noong 2013. At isa sa mga hinalungkat ko ay ito...
 |
| Timeline photo uploaded and posted last April 13, 2013 |
Nakasandal ako sa pader tapos parang may waterfalls ang umaagos papunta sa akin. Wala akong damit pang-itaas at may 'hindi-maintindihang pose'. Obviously, sa mga paglalarawan na binigay ko, iisa lang ang ibig sabihin niyan, nasa swimming resort ako. Nasa Volets Resort kami nang girlfriend ko last April 13.
Ang totoo niyan, hindi ko siya nilagay nang status o caption sa litratong ito. Ang tema nito nun, gusto ko sila na ang magbigay nang caption kaya ayun, nakikita nyo naman yung mga nakakatuwang comments nila kahit may pagkadouble meaning man ito. Dito pa lang nakakagood-vibes na.
Hindi ko inakalang magkakaroon ako nang madaming likes at comments ukol dito. Hindi mahalaga kung positive man o negative basta ang mahalaga nito ay yung feedback nang pinost ko sa profile wall. Para sa akin, kapag marami ang naglikes sa status or sa status kasama ang litrato ko, hindi lang ibig sabihin na gustung-gusto nila ang status o litrato mo, kundi alam nila kung ano ang nangyayari sa buhay mo. Kaya, alam na nila na nagsiswimming kami nang girlfriend ko dahil binigyan ko sila nang updates sa pamamagitan lamang nang pag-update nang status. Yan ang kinaganda dito sa Facebook status feature.
Ngayon, kung merong maganda dito sa Facebook feature, meron din namang hindi. Kagaya na lamang nito...
 |
| Emotional breakdown status |
Kagaya nang sinabi ko kanina...ang Facebook status feature ay maituturing na "freedom wall". Pwede mo din ipost sa status mo ang mga hinanakit mo tungkol sa mga taong galit sayo, nang-aaway sayo, o ayaw sayo. Itong pinaskil ko nung Mayo, halatang may galit ako noon sa mga taong ayaw sa akin. Pero, kung titingnan mo nang maigi...ang pangit pala syang tingnan sa mata. Kung baga eh, "nakakabad-vibes" itong post ko. Hindi naman mapapagkaila na sa tatlong likes lang at siyam na comments.
Para sa akin, isa ito sa mga hindi magandang halimbawa nang paggamit nang Facebook status feature. Hindi porket, "freedom wall" ang Facebook kailangan mo rin ilabas ang hinanakit mo sa status mo, lalo na kung may kaaway ka o kung ayaw mo sa ugali nang isang tao. Siguro naman, alam natin ang 'cyberbullying'. Usong-uso ngayon sa mga social networking sites...katulad na lang nitong Facebook.
Buti nga 9 comments lang ang natanggap ko, eh kung madami pa yan, cyberbullying pa ang abutin ko.
Kagaya nang sinabi ko kanina, hindi ko naman nilalahat pero bakit hanggang ngayon eh may mga ibang FB users ang hindi sumusunod sa tamang paraan sa paggamit nang Facebook status feature??
Simple lang sa sagot dyan.....ang pagkontrol sa sarili.
Bakit ganito ang sagot ko??
Katulad ko, may mga ibang users na yung tipong galit na galit pero dinadaan na lang sa pagiistatus...at naka-all caps pa.
Katulad ko, may mga ibang users na sinisisi si Bossing kapag hindi nangyari ang gusto nilang mangyari sa buhay nila at halos karamihan sa kanila ay may mga balak na magpakamatay dahil doon.
Katulad ko, may mga ibang users na ginagamit ang feature na ito para husgahan ang kanilang kapwa.
Katulad ko, may mga ibang users na ginagamit rin ang feature na ito para lang makuha nila ang atensyon nang isang user.
Base sa aking sarili, sa mga nakausap kong mga kaibigan o kamag-anak...tatlong bagay lang ang lagi nilang sinasabi; una ay ang kanilang PRIDE, pangalawa ay ang EMOTIONAL BREAKDOWN, at pangatlo ay ang ATTENTION-SEEKING SYNDROME.
Hindi naman masama ang maging ma-pride, emosyonal, o may attention-seeking syndrome o pagpapapansin kung kokontrolin lang natin ang ating mga sarili. Sa madaling salita, gamitin sa tamang lugar. Ibaba na lang ang pride, kontrolin ang emosyon at huwag mamihasa sa pagiging papansin.
Halimbawa;
a. Kung may kaaway ka o kung ayaw mo yung ugali nang isang tao. Kausapin mo siya o sila nang personal or sa chat, sabihin mo sa kanila yung mga ayaw mo tungkol sa ugali nila. Pwede naman yun eh. Hindi mo na kailangang magparinig pa sa status.
b. Hindi mo na rin kailangang ipamukha sa kanila na hindi nila nararamdaman ang mga ginusto mong mangyari para sa mga kamag-anak mo o mga kaibigan mo kaya ka nagpaparinig. Kasi, hindi naman sila manghuhula para tanungin ka kung ano ba talaga ang nararamdaman o iniisip mo? Hahantong na ito sa pagiging attention-seeking syndrome kung sasanayin. Kaya mas maganda kung kausapin mo na rin siya o sila sa pamamagitan nang chat o personal.
c. Kung meron kang gustong ipaglaban para sa mga nangyayari sa paligid natin, ok lang na i-status mo pa din, opinyon mo yan eh. Pero kapag may nagcomment sayo na inihahayag din nya ang kanyang opinyon, hindi mo na kailangang makipagtalo pa. Bagkus, kesya tama man o mali ang pinaglalaban niyang opinyon, respetuhin mo na lang din ang opinyon nang iba and vice versa. Kung wala na kayong magandang sasabihin, manahamik na lang or lagyan na lang smile icon na katulad nito "^_^" para kung matapos man ang usapan, walang nagkakapikunan. Smile pa din.
d. Kung may problema ka sa buhay mo...huwag mo na lang idaan sa pagstatus. Gumawa ka na lang nang alternatibong paraan para kumalma ang mood mo. Tingin ko, isa sa pinakaepektibong paraan para kumalma ay ang uminom nang tubig at matulog nang ilang oras. Kung may trabaho ka naman, uso ang mga cellphones na may mp3 kaya makinig ka na lang nang mga music o kaya manood ka na lang mga pelikula sa internet or sa mga cellphones. Huwag kalimutang magdasal kay Bossing, syempre.
Okay lang na magstatus ka para may updates sila tungkol sayo...basta sa mabuting paraan.
Okay lang na magsabi kay Bossing na "Thank You" or "Salamat" sa status mo, basta sinamahan mo nang pagdarasal bago o pagkatapos mong gumamit nang Facebook.
Okay lang na ipaglaban mo ang iyong opinyon...basta sa tamang paraan.
Okay lang kung ayaw mo sa ugali nang isang tao...basta kausapin mo na lang nang maayos.
Magstatus kayo nang magstatus na tungkol sa good vibes nang buhay nyo. Huwag puro negative vibes. Nakakasira nang mood yan. Kung gusto mo maging viral ang status mo, eh di gumawa ka nang kakaibang paraan basta pang-good vibes dapat...nang walang halong "suhol", yung tipong magpapalike pa nang post, ganon.
Gamitin sa tama ang pagtatype nang status, pagshare, at pagupload sa Facebook. Malay mo, baka i-ban itong Facebook dahil lang sa mga maling pinagagawa natin. Kawawa naman si Pareng Zuckerberg pinaghirapan nya ito nang humigit kumulang na sampung taon.
Sabi nga natin..."kung gusto natin nang pagbabago...simulan muna natin sa ating mga sarili..." kaya kontrol-kontrol din sa sarili pag may time.
Sa mga nakakabasa nito, gusto ko lang ibahagi ito sa inyo dahil lahat nang mga nakasaad sa itaas nang blog na ito, ginawa ko yan lahat at malaki naging epekto sa akin, sa mga naging kaibigan ko, at maging sa mga mahal ko sa buhay.
Pero, hindi ko kayo pinipilit na gawin nyo ito. Gusto ko lang na maintindihan ninyo kung paano ba ito gamitin sa tama ang Facebook status feature. Pero, humanda na kayo sa mga magiging consequences nito kada post, upload, at share ninyo kasi katulad nang sinabi ko.."I'VE BEEN THERE" o galing na ako diyan pero hindi na yan mauulit.
Hindi ko nga pala naisasagot ang tanong sa aking pamagat na "What's your Facebook Status for 2014?"
Eto ang status ko: "Self-control"
Kayo po ba, anong Facebook status nyo para sa taong ito? :)
*********************************
Ang blog post na ito inihatid sa inyo ni Alberto Bandolon, na tumutulong sa mga taong gustong kumita sa pamamagitan nang internet. Para sa karagdagang impormasyon, paki-click lang ang "Sino si Alberto?" button.
No comments:
Post a Comment